🐄Golland qoramol zoti – sutchilik yo’nalishi uchun boqiladigan zot. Gollandiyada mahalliy qoramol zotlari uzoq davr mobaynida takomillashtirilgan.
 
 Golland qoramol zotining tana tuzilishi mustahkam, gavdasi katta, tusi ko’pincha qora-ola. Ushbu zot dunyoda eng ko’p sut beradigan sigir zotlaridan biridir.
 
 🥩Zot bundan 300 yil oldin Gollandiyada sof holda urchitish usulida yaratilgan. Sigirlarining vazni 500–600 kg, buqalariniki 700–900 kg. Buzoqlari 38–42 kg tug’iladi, 6 oylik bo’lganda 160–170 kg keladi. Sigirlari yiliga o’rtacha 3800–4200 litr, sof zotlilari 4500–5500 litrgacha sut beradi, yog’dorligi 4–4,2% tashkil etadi.